शिवगान

शिवगान

श्रीरामाला पूजती कोणी

श्रीकृष्णाला भजती कोणी

जन्मभरी ओठावर माझ्या

शिवछत्रपतींची अमर कहाणी

महाभारत अन् रामायण हे

राहील अथवा जाईल

शिवरायांची कीर्तिगाथा

विश्वची सारे गाईल

मर्यादा पुरुषोत्तम राम

बुद्धिमान अन् धूर्तची श्याम

मातृभक्तिची गाथा गाता

शिवप्रभूंचे घ्यावे नाम

पित्यासाठी गडकोट सोडिती

औरंग्याशी शंभू राखती,

मावळसेना जमवून सारी

‘स्वराज्य हिंदवी’ स्वये स्थापिती