सुरा हे प्राचीन अस्त्र आहे. प्रागैतिहासिक काळात दगड, हाड, हस्तीदंत यांपासून सुरा बनविला जात असे. ताम्रयुगात धातूंचा वापर सुर्‍यासाठी होऊ लागल्यावर त्याचा विकास झाला. एकधारी पात्याबरोबर दुधारी पात्याचे सुरे वापरात आले. सुरी ही सूर्‍याची लहान आवृत्ती आहे. सुर्‍याचे पाते मुठीजवळ रुंद व टोकाकडे निमुळते होत जाते. सुर्‍याची मूठ धातूची, लाकडी किंवा हस्तिदंती असते. सुर्‍याचा उपयोग जवळून होणाऱ्या झटापटीत केला जात असे.