सुरगड - एक अविस्मरण
Printed From: TreKshitiZ
Category: Adventure Forum
Forum Name: Events
Forum Description: Mountaineering and Trekking related events, Photography Competition, Audio Video Competition.
Note :- Please do not add trekking events anywhere on this Discussion Board.
URL: http://trekshitiz.com/discussionboard/forum_posts.asp?TID=286
Printed Date: 31 Dec 2024 at 2:43am
Software Version: Web Wiz Forums 11.03 - http://www.webwizforums.com
Topic: सुरगड - एक अविस्मरण
Posted By: sagro4u
Subject: सुरगड - एक अविस्मरण
Date Posted: 20 Nov 2014 at 8:18am
लहानपणापासून दिवाळीच्या सुट्टीत किल्ले बांधण्याची आवड होती. या वर्षी महाराष्ट्रातील एक अजिंक्य जलदुर्ग उभा करण्याचा निर्धार केला.
किल्ले जंजिरा
पहिल्यांदाच ट्रेक क्षितीज संस्थेमार्फत भरवलेल्या किल्ले बांधणी स्पर्धेत आमच्या किल्ल्याच नाव नोंदवल आणि प्रथम पारितोषिक पटकावल. याच स्पर्धेतील स्पर्धकांसाठी ट्रेक क्षितीज ने एक आगळावेगळा ट्रेक आयोजित केला होता. ९ नोव्हेंबर २०१४ ला आम्ही सर्व स्पर्धक या ट्रेकसाठी सुरगड ला प्रस्थान करणार होतो. पहिल्यापासून ट्रेक ची आवड आहे त्यामुळे एक नवीन किल्ला एक नवीन ट्रेकिंग स्पॉट पाहण्याची उत्सुकता होती. कित्येकदा मन उत्सुकतेमुळे कल्पनेच्या घिरट्या घालून यायचं. आणि अखेर नव्या उमेदीत ९ नोव्हेंबर सकाळ उजाडली.
नवीन चेहरे नवीन सवंगडी घेऊन आमची बस सुरगड च्या दिशेने निघाली. दीपाली लंके आमची ट्रेक लीडर.
वेळेच आणि इतर सर्व गोष्टींच नियोजन तिने उत्कृष्ठ केल होत. नाश्त्याला चवदार उपम्याची सोय होती. गावात पोहोचल्यावर एका शाळेच्या पटांगणात दीपाली ने ट्रेक बद्दल माहिती दिली. त्यानंतर सर्वांची ओळख करून घेऊन आम्ही सर्व किल्ल्याच्या दिशेने मळलेली पायवाट तुडवत चालू लागलो. काही क्षणात ओळखीच्या सवंगड्यांचे ग्रुप्स विभागले गेले आणि अनोळखी मित्रांसोबत सगळेजण मिसळले. आपोआप एकमेकांशी ओळख होऊ लागली. उन्हाचा तडाखा जाणवत होता. थोड्याच वेळात आम्ही एका पठारावर पोचलो. तिथे थोडीफार फोटोग्राफी करून आम्ही पुन्हा चढायला सुरुवात केली. हे सगळ करत असताना दीपाली ने किंवा इतर ट्रेक क्षितीज च्या सहयोग्यानी आम्हाला अडवलं किंवा घाई केली नाही. या वरून दीपाली ने वेळेच नियोजन करताना या सर्व छोट्या छोट्या गोष्टीही लक्षात घेतल्या होत्या हे दिसून आल. पुढे जंगलातल्या पायवाटेने चढत चढत आम्ही एका भुयारी पाण्याच्या टाक्याजवळ पोहोचलो. तिथून डाव्या बाजूला असलेल्या घळीतून चढून वर गेलो. वर गेल्यावर मारुतीरायाचे दर्शन झाले आणि तिथून उजवीकडे असलेल्या बुरुजावर जाऊन पोहोचलो. कुंडलिका नदी आजूबाजूचा हिरवळीने बहरलेला परिसर बघून थकवा पार निघून गेला. थोड मागे येउन समोरील चढण चढून वर आलो आणि मग किल्ल्याचा एकंदरीत परीघ आणि इतर वास्तूंचा परिचय झाला.
पोट कावकाव म्हणू लागल होत आणि मग एक मोकळी जागा बघून प्रत्येकाने आपापले डब्बे उघडले. कधी ह्याच्या डब्ब्यात हाथ मार तर कधी त्याच्या डब्ब्यात अस करत करत पोटातला जमदग्नी शांत केला. मग TD ने ट्रेक क्षितिजच्या एकंदरीत वाटचालीबद्दल माहिती दिली. त्यानंतर महेंद्रदादाने हि छान माहीती सांगितली. आणि मग किल्ल्याच्या दुसऱ्या बाजूने आम्ही उतरण्यास सुरुवात केली. वेळेत आम्ही सगळे बस जवळ येउन पोहोचलो. तिथे ग्रुप फोटो घेतले पण आम्ही काहीजण गावच सौंदर्य पाहत राहिलो आणि ग्रुप फोटोमधून मिस झालो. त्यानंतर वाटेत चहा आणि कांद्यापोह्याचा फडशा पाडून पुढची वाट धरली. बस मध्ये महेश ने icecream ने सगळ्याचं तोंड गोड केल. आणि मग गाण्यांच्या मैफिलीत कधी डोंबिवलीला पोहोचलो कळलंच नाही.
म्हणूनच मी या ट्रेक ला एक अविस्मरणीय अनुभव म्हटलंय.
I would like to appreciate Deepali(trek leader) for great Leadership and nice human being in nature.
|
Replies:
Posted By: amitsamant
Date Posted: 20 Nov 2014 at 8:35am
मित्रा
छान लिहिल आहेस. पण तूच लेखात उल्लेख केलेल्या फोटोग्राफसची जोड दिली असतीस तर अजुन मजा आली असती. ( फोटो अपलोड करताना रिसाइझ करुन अपलोड कर. )
यापुढेही तुझ्याकडुन नविन नविन ट्रेकसची माहिती फोरमवर वाचायला मिळो.
|
Posted By: chaitanya
Date Posted: 20 Nov 2014 at 8:12pm
|
छान लिहिल आहेस मित्रा... मी महेश च आइसक्रीम मिस केल...
|
|