बांद्रयाचा किल्ला
(Bandra Fort) |
किल्ल्याची ऊंची : 
0 |
किल्ल्याचा प्रकार : समुद्र किनाऱ्यावरील किल्ले
|
डोंगररांग: डोंगररांग नाही |
जिल्हा : मुंबई |
श्रेणी : सोपी |
माहीमच्या खाडीमुळे, मुंबई बेटे, मुख्य जमिनीपासून वेगळी झाली होती. माहीमच्या खाडीमार्गे चालणार्या व्यापारामुळे इतिहासात ह्या भागाला खुप महत्व होते. या भागाचे रक्षण करण्यासाठी पोर्तुगिजांनी १६४० साली साष्टी बेटाच्या समुद्रात शिरलेल्या भूशिरावर "बांद्रयाचा किल्ला" बांधून ह्या भागाच्या रक्षणाचा कायमचा बंदोबस्त केला.
|
|
पहाण्याची ठिकाणे : |
बांद्रा किल्ल्याची पुरातत्व विभागाने डागडूजी केलेली आहे. त्यामुळे किल्ला फार सुंदर दिसतो. किल्ल्याच्या प्रवेशद्वारावर एक पोर्तुगिज शिलालेख कोरलेला आहे. तो पाहून किल्ल्यात प्रवेश केल्यावर, डाव्या हातास दुसरे प्रवेशद्वार लागते. या प्रवेशद्वारापासून किल्ल्यात जाण्यासाठी पायर्या आहेत. किल्ल्यात ‘बांद्रा लँड एण्ड गार्डन‘ या सोसायटीने बाग तयार केलेली आहे. किल्ल्यात इतर काही अवशेष उरलेले नाहीत.
|
पोहोचण्याच्या वाटा : |
पश्चिम रेल्वेच्या बांद्रा स्थानकावर पश्चिमेकडे उतरुन बेस्ट बसने किंवा रिक्षाने " बांद्रा बॅण्ड स्टँड " ला जावे. तिथून ताज लॅण्ड एंड हॉटेलच्या पुढे बांद्रयाचा ऐतिहासिक किल्ला उभा आहे.
|
सूचना : |
काळा किल्ला, रिवा किल्ला, सायनचा किल्ला हे तीनही किल्ले सायन मध्ये आहेत. हे तीनही किल्ले अर्ध्या दिवसात पाहून होतात. स्व:तचे वाहान असल्यास एका दिवसात या तीन किल्ल्यांबरोबर शिवडीचा किल्ला, वरळीचा किल्ला, माहिमचा किल्ला, व बांद्र्याचा किल्ला हे किल्ले पाहाता येतात. मुंबईच्या इतर किल्ल्यांची माहिती साईट्वर दिलेली आहे.
|