| सोनगिरी (नाशिक)
(Songir (Nashik)) |
किल्ल्याची ऊंची :
1571 |
| किल्ल्याचा प्रकार : गिरीदुर्ग
|
डोंगररांग: पेठ, नाशिक |
| जिल्हा : नाशिक |
श्रेणी : सोपी |
नाशिकपासून वायव्य दिशेस साधारण ५५ किमी अंतरावर पेठ हे तालुक्याचे ठिकाण आहे. पेठच्या पश्चिमेस साधारण दहा किलोमीटर वर गुजरात आणि महाराष्ट्र या राज्यांची सीमा आहे. हा पूर्ण प्रदेश अनेक छोट्या छोट्या टेकड्यांनी व्यापलेला आहे. पेठच्या साधारण नैऋत्येस पाच-दहा किलोमीटरवर तोंडवळ आणि भुवनही गावे आहेत. या दोन गावांना एका घाट रस्त्याने जोडले आहे. या घाटावर सोनगिरी हा टेहळणीचा किल्ला आहे. त्यामुळे तोंडवळ आणि भुवन ही दोन्ही या किल्ल्याच्या पायथ्याची गावे आहेत.
|
|
|
| पहाण्याची ठिकाणे : |
तोंडवळ वरुन भुवनकडे येताना जिथे घाटरस्ता भुवन गावाकडे वळतो, त्या ठिकाणाला भुवन फाटा म्हणतात. या भुवन फाट्यावरुन एक लाल मातीची वाट मुख्य रस्ता सोडून उजवीकडे जाते. या वाटेवरुन साधारण पंधरा मिनिटे चढल्या नंतर समोर भुवन गाव आणि त्यामागे दमणगंगा नदी दिसते. पठारावर खुरासणीच्या फुलांची शेती आहे. येथून साधारण पाच मिनिटात आपण गड माथ्यावर पोहोचतो. गड माथ्यावर आल्यावर फक्त एक चौथरा दिसतो. येथे पूर्वी रेणुकामातेचे मंदिर होते. आता त्या मंदिराची पडझड झाली आहे. त्यामुळे रेणुकामातेची मुर्ती गावकऱ्यांनी भुवन गावात नेली आहे. माथ्यावर एक बुजलेले पाण्याचे टाके आहे. किल्ल्यावर पहाण्या सारखे बाकी काहीही नाही. नाशिकवरुन सुरतला जाणारानाशिक - पेठ - धरमपूर या मार्गावर लक्ष ठेवण्यासाठी या किल्ल्याची निर्मिती केली असावी.
|
| पोहोचण्याच्या वाटा : |
नाशिकपासून वायव्येस साधारण ५५ किलोमीटरवर पेठ हे गाव आहे. येथून नैऋत्येस साधारण १० किलोमीटरवर भुवनफाटा आहे. या भुवन फाट्यावरुन भुवन किल्ल्यावर जाता येते. हा प्रदेश मुख्य शहरापासून दूर असल्याने खाजगी वाहन असल्यास उत्तम.
|
| राहाण्याची सोय : |
| किल्ल्यावर राहण्याची सोय नाही. |
| जेवणाची सोय : |
| जेवणाची सोय पेठ येथे होवू शकते. |
| पाण्याची सोय : |
| किल्ल्यावर पाण्याची सोय नाही. |
| जाण्यासाठी लागणारा वेळ : |
| भुवन फाट्यावरुन साधारण पाउण तास लागतो. |
| जाण्यासाठी उत्तम कालावधी : |
| जून ते मार्च |
| सूचना : |
खैराई सोनगिरी वाघेरा आणि ब्रम्हगिरी असा तीन दिवसांचा ट्रेक करता येतो. खैराई वाघेरा आणि ब्रम्हगिरी या किल्ल्यांची माहिती साईटवर उपलब्ध आहे.
|
1.jpg)