| चांभारगड
(Chambhargad) |
किल्ल्याची ऊंची :
1200 |
| किल्ल्याचा प्रकार : गिरीदुर्ग
|
डोंगररांग: रायगड |
| जिल्हा : रायगड |
श्रेणी : मध्यम |
रायगडाच्या आजूबाजूला असणार्‍या डोंगर रांगावर अनेक किल्ले आहेत. यांत प्रामुख्याने लिंगाणा, सोनगड व चांभारगड यांचा समावेश होतो. यांचा उपयोग केवळ घाटमथ्यावर नजर ठेवण्यासाठी व टेहेळणीसाठी होत असावा. चांभारगड हा महाडपासून हाकेच्या अंतरावर असलेला हा किल्ला महाड या पूरातन व्यापारी बाजारपेठेवर लक्ष ठेवण्यासाठी बांधला असावा. चांभारगड किल्ल्याचे दुसरे नाव महेंद्रगड आहे.
|
|
|
| पहाण्याची ठिकाणे : |
गडमाथा म्हणजे एक छोटेसे पठारच आहे. पठारावर थोडे फार घरांचे अवशेष आहेत तर पठाराच्या खालच्या डोंगराच्या पट्टीवर पाण्याची ३ टाकी आहेत. या टाक्यांच्या बांधणीवरुन हा गड पुरातन असावा असा अंदाज बांधता येतो. याखेरीज गडावर पाहण्याजोगे काहीच नाही. अर्ध्या तासात संपूर्ण गडफेरी पूर्ण होते.
|
| पोहोचण्याच्या वाटा : |
गडावर जाण्यासाठी महाड गाठावे. महाड- पोलादपूर हायवे ओलांडून पायथ्याच्या चांभारखिंड गावात पोहोचावे. महाड एसटी स्थानकापासून येथे जाण्यास २० मिनिटे लागतात. या खिंडीतून पाऊण तासाच्या चालीनंतर आपण माथ्याच्या कातळकड्यापाशी / खिंडीत पोहोचतो. कातळकडा डावीकडे ठेवून थोडे पुढे जावे. नंतर वर जाणारी वाट पकडून १५ मिनितांत गडमाथा गाठता येतो.
|
| राहाण्याची सोय : |
किल्ल्यावर राहण्याची सोय नाही.
|
| जेवणाची सोय : |
गडावर जेवणाची व्यवस्था नाही., आपण स्वत: करावी.
|
| पाण्याची सोय : |
किल्ल्यावर पिण्यायोग्य पाणी आहे.
|
| जाण्यासाठी लागणारा वेळ : |
| चाभारखिंड गावातून एक तास लागतो. |
| सूचना : |
चांभारगड पाहून झाल्यावर,गंधारपाले लेणी पाहाता येतात.
|
