कड्यावरचा गणपती

दापोली व मुरुड हर्णे जवळील आंजर्ले गावात डोंगराच्या कड्यावर वसलेले हे कड्यावरचे गणपतीचे प्राचीन मंदिर आहे.

पूर्वी समुद्रातील खडकावर अजरालयेश्वर व गणपतीची मंदिरे होती. समुद्रपातळी वाढल्यामुळे ती मंदिरे पाण्यात गडप झाली. त्यानंतर नवीन मंदिर उंच कड्यावर बांधण्यात आले. सध्याच्या मंदिराचा जिर्णोध्दार इ.स. १७७० मध्ये करण्यात आला.

मंदिरास सभामंडप, अंतराळ व गाभारा असे तीन भाग आहेत. सभामंडपात कारंजे आहे. गाभाऱ्यातील उजव्या सोंडेची गणेश मूर्ती सुमारे पावणे दोन मीटर उंच आहे. मंदिरासमोर दगडी बांधणीचे तळे आहे.