कुणकेश्वर मंदिर

सिंधुदुर्ग जिल्ह्यातील समुद्रकिनारी वसलेले कुणकेश्वर हे शांत व निसर्गरम्य गाव असून येथे प्राचीन कुणकेश्वर शिवमंदिर आहे.

इ.स. ११व्या शतकात यादवांनी हे मंदिर बांधले. शिवाजी महाराज व संभाजी महाराजांनी मंदिराचा जिर्णोध्दार केला. एका मुस्लिम व्यापाऱ्याच्या दंतकथेशी हे मंदिर निगडित असून त्याची कबर आजही मंदिराशेजारी आहे.

समुद्राच्या लाटांचा तडाखा सहन करण्यासाठी मंदिर उंच जोत्यावर बांधले असून बाहेरील बाजूस पायऱ्यांसारखी रचना आहे. मंदिर द्राविडी स्थापत्यशैलीचे असून बहुमजली चौकोनी कळस आहे.