बिचवा

बिचवा या शब्दाचा अर्थ “विंचू” असा होतो. बिचवा हे १७व्या शतकातील दुर्मिळ व छुपे शस्त्र असून याचे पाते लहान, दुधारी व बाकदार असते.

बिचवा हे प्रामुख्याने मराठी शस्त्र म्हणून ओळखले जात असे. बिचव्याच्या पात्याची लांबी साधारण ७ इंच तर एकूण लांबी ११ इंच असते. काही प्रकारांमध्ये दुपाती बिचवा वापरात होता.

दुपाती बिचव्यात उजव्या हातातील मुख्य शस्त्राने शत्रूला गुंतवून ठेवून डाव्या हातातील बिचव्याने शत्रूच्या तलवारीचे पाते अडकवून त्याला नामोहरम केले जात असे.