चिलखत

चिलखत म्हणजे छातीचा भाग व डोके यांचे शत्रूच्या वारापासून संरक्षण करणारे विशेष कवच. दस्तान हे मनगटापासून कोपरापर्यंत हाताचे संरक्षण करणारे कवच आहे.

चिलखताची सुरुवात जाड कपड्यांपासून झाली. नंतर चामड्याचा वापर झाला. लोहयुगात धातूच्या कड्यांपासून बनविलेले जाळीदार चिलखत वापरात आले. पुढे पोलादी कड्यांचा वापर सुरू झाला. हत्ती व घोड्यांनाही चिलखते घातली जात.

अफजलखानाच्या भेटीच्या वेळी शिवाजी महाराजांनी अंगरख्याच्या आतून चिलखती कोट व जिरेटोप परिधान केला होता.

संपूर्ण संचात शिरस्त्राण, कोट व पायजमा यांचा समावेश असे.