वाघनखं

स्वराज्यावर चालून आलेल्या अफजलखानाचा वध छत्रपती शिवाजी महाराजांनी वाघनखांनी केल्यामुळे वाघनखं हे शस्त्र इतिहासात अमर झाले.

१७व्या शतकापूर्वी वाघनखांना शस्त्र म्हणून अधिकृत मान्यता नव्हती. ते डाकू व दरोडेखोरांचे हत्यार मानले जात असे. शिवाजी महाराजांच्या पराक्रमामुळे त्यास ऐतिहासिक महत्त्व प्राप्त झाले. सिंहाचा पंजा व अस्वली कट्यार यांसारखी तत्सम शस्त्रे अस्तित्वात होती.

अफजलखानाच्या भेटीत छत्रपती शिवाजी महाराजांनी वाघनखांचा प्रभावी वापर केला.

युद्धाव्यतिरिक्त डोंगरकपाऱ्या, किल्ल्याच्या भिंती व झाडांवर चढण्यासाठीही वाघनखांचा उपयोग होत असे.