अर्जूनगड
किल्ल्याची छायाचित्रे
किल्ल्याची विविध छायाचित्रे पहा
Main Entrance Gate Arjungad
नकाशे व मार्ग
किल्ल्यापर्यंत पोहोचण्यासाठी सविस्तर नकाशे आणि ट्रेकिंग मार्ग पहा
सध्या कोणतेही नकाशे उपलब्ध नाहीत
सर्व नकाशांचा संग्रह पहाप्रस्तावना
एका दंतकथेनुसार अर्जुनाने या ठिकाणीहून सुभद्राहरण केले म्हणून या किल्ल्याचे नाव अर्जूनगड पडले. चिमाजी आप्पांनी हा किल्ला बांधला असे म्हणतात. काही काळ हा किल्ला पोर्तुगिजांच्या ताब्यात होता. अर्जूनगडावर महालक्ष्मीचे देऊळ आहे. त्यामुळे गडावर जाण्यासाठी पायर्या बांधलेल्या आहेत. गडावर भाविकांची ये जा चालू असते.
महत्त्वाची ठिकाणे
पायर्यांच्या मार्गाने एका मोठ्या बुरुजाला वळासा घालून १० मिनिटात आपण प्रवेशव्दारापाशी पोहोचतो. किल्ल्याचे प्रवेशव्दार पूर्वाभिमुख आहे. प्रवेशव्दार, तटबंदी आणि किल्ल्याचे बुरुज बर्यापैकी सुस्थितीत आहेत. प्रवेशव्दाराच्या आत पाहारेकर्यांसाठी देवड्या आहेत. किल्ल्यात प्रवेश केल्यावर किल्ल्याचा छोटा घेर दिसतो. किल्ल्याच्या मधोमध महालक्ष्मीचे मंदिर आहे. त्याच्या बाजूला पाण्याचे मोठे टाक आहे. किल्ल्याच्या तटबंदीत ६ बुरुज आहेत. तटबंदी वरुन फ़िरताना दक्षिणेकडे कोलाक नदी दिसते. किल्ला फ़िरायला १० मिनिटे पुरतात.
कसे पोहोचावे
वापी - सुरत रेल्वेमार्गावर बगवाडा नावचे स्टेशन आहे. वापीहुन पॅसेंजर ट्रेनने बगवाडाला जाता येते. बगवाडा स्थानकातून अर्जूनगड किल्ला अंतर २ किलोमीटर आहे. किल्ल्याच्या पायथ्यापर्यंत रिक्षाने किंवा चालत जाता येते. रस्त्याने गेल्यास मुंबई - अहमदाबाद महामार्गावर वापी पासून ६ किलोमीटरवर अर्जूनगड किल्ला आहे.
ट्रेकसाठी लागणारा वेळ
⏱️ पायथ्यापासून १० मिनिटे लागतात.
सुविधा व सोयी
निवास व्यवस्था
किल्ल्यावर राहाण्याची सोय नाही.
अन्न व्यवस्था
किल्ल्यावर जेवणाची सोय नाही.
पाणी उपलब्धता
किल्ल्यावर पिण्याच्या पाण्याची सोय नाही.
सर्वोत्तम काळ
🌤️ जुलै ते मार्च
जवळील गावे
बगवाडा
या परिसरातील इतर किल्ले डोंगररांग नाही
तुमचा ट्रेक नियोजित करत आहात का?
साहित्य योग्यरीत्या पॅक करा
आवश्यक साहित्य, पाणी व प्राथमिक उपचार पेटी सोबत ठेवा
लवकर सुरुवात करा
सकाळी लवकर ट्रेक सुरू करा
गटामध्ये ट्रेक करा
सुरक्षिततेसाठी नेहमी सहकाऱ्यांसोबत ट्रेक करा
किल्ले स्वच्छ ठेवा
किल्ल्यांवर कचरा करू नका. किल्ल्यांची आणि निसर्गाची हानी करू नका.