फत्तेगड / फतेदुर्ग
नकाशे व मार्ग
किल्ल्यापर्यंत पोहोचण्यासाठी सविस्तर नकाशे आणि ट्रेकिंग मार्ग पहा
सध्या कोणतेही नकाशे उपलब्ध नाहीत
सर्व नकाशांचा संग्रह पहाप्रस्तावना
सुवर्णगडाच्या संरक्षणासाठी हर्णे गावाच्या समुद्रकिनार्यावर गोवा किल्ला, कनकदुर्ग आणि फत्तेगड हे तीन उपदुर्ग बांधण्यात आले. त्यापैकी गोवा किल्ला व कनकदुर्ग यांचे काही अवशेष आजही शाबूत आहेत. परंतु फत्तेगडाची समुद्राकडील भिंत(तटबंदी) व कनकदुर्ग आणि फत्तेगड यांच्या मधील दगडी पुल सोडल्यास कोणतेही अवशेष नाहीत.
ऐतिहासिक पार्श्वभूमी
फत्तेगडाची उभारणी खर्यातखान याने केली व त्याची निर्मिती शिवकालानंतरची असावी असे मानतात. कान्होजी आंग्रे - मानाजी आंग्रे यांनंतर सुवर्णगड ,गोवा किल्ला, कनकदुर्ग आणि फत्तेगड या किल्ल्यांचा ताबा तुळाजी आंग्रे यांच्याकडे गेला. पेशवे आणि तुळाजी आंग्रे यांच्यात वितुष्ट आल्यावर , पेशवे व इंग्रज यांच्या संयुक्त सैन्याने तुळाजी आंग्रे यांच्या विरुध्द मोहीम उघडली. त्यावेळी कमांडर जेम्स याने हे किल्ले जिंकून पेशव्यांच्या हवाली केले. इ.स. १८१७ मध्ये इंग्रजांनी हे किल्ले पेशव्यांकडून जिंकून घेतले.
कसे पोहोचावे
मुंबईहून दापोली मार्गे मुरुड हर्णेला जाता येते. हर्णेच्या समुद्रकिनार्यावर उंचवट्यावर कोळी लोकांची वस्ती दिसते, ही वस्ती फत्तेदुर्ग मध्येच वसलेली आहे..
महत्त्वाची ठिकाणे
किल्ल्याचे क्षेत्रफळ पाऊण हेक्टर होते. फत्तेगडाची समुद्राकडील भिंत(तटबंदी) व कनकदुर्ग आणि फत्तेगड यांच्या मधील दगडी पुल सोडल्यास कोणतेही अवशेष नाहीत.
सुविधा व सोयी
निवास व्यवस्था
राहण्याची सोय किल्ल्यात नाही, हर्णे गावात आहे.
अन्न व्यवस्था
जेवणाची सोय किल्ल्यात नाही, हर्णे गावात आहे.
पाणी उपलब्धता
पाण्याची सोय किल्ल्यात नाही, हर्णे गावात आहे.
अतिरिक्त माहिती
१) मुरुड हर्णेला राहून सूवर्णदुर्ग, गोवा किल्ला, कनकदुर्ग व फत्तेगड एका दिवसात पाहाता येतात.
२) सूवर्णदुर्ग, कनकदुर्ग व गोवा किल्ला यांची माहिती साईटवर दिलेली आहे.
जवळील गावे
Murud Harne
या परिसरातील इतर किल्ले डोंगररांग नाही
तुमचा ट्रेक नियोजित करत आहात का?
साहित्य योग्यरीत्या पॅक करा
आवश्यक साहित्य, पाणी व प्राथमिक उपचार पेटी सोबत ठेवा
लवकर सुरुवात करा
सकाळी लवकर ट्रेक सुरू करा
गटामध्ये ट्रेक करा
सुरक्षिततेसाठी नेहमी सहकाऱ्यांसोबत ट्रेक करा