गोवा किल्ला
नकाशे व मार्ग
किल्ल्यापर्यंत पोहोचण्यासाठी सविस्तर नकाशे आणि ट्रेकिंग मार्ग पहा
सध्या कोणतेही नकाशे उपलब्ध नाहीत
सर्व नकाशांचा संग्रह पहाप्रस्तावना
हर्णेच्या किनार्यावर सुवर्णगडाचे रक्षण करण्यासाठी जी दुर्गत्रयी बांधली आहे त्यापैकी एक गोवा किल्ला, इतर दोन किल्ले कनकदूर्ग व फत्तेगड यांच्यापेक्षा हा किल्ला विस्ताराने बराच मोठा आहे. तसेच सदयस्थितीत बर्यापैकी चांगल्या अवस्थेत उभा आहे.
 |
| Goa Fort |
महत्त्वाची ठिकाणे
किल्ल्याला जमिनीच्या दिशेने एक व समुद्राच्या दिशेने एक असे दोन दरवाजे आहेत. किल्ल्याचा मुख्य दरवाजा समुद्राकडील बाजूस असून तो दगडांनी बंद केलेला आहे. दरवाज्याच्या चौथर्याच्या तळाशी वाघाची आकृती आहे. डाव्या हातास दरवाजावर गंडभेरुड(म्हणजे द्विमुखी गरुड) व त्याने पायात पकडलेले चार हत्ती असे शिल्प आहे. दरवाज्याच्या डाव्या बाजूस असलेल्या दुर्मिळ शिल्पात ३ कुत्र्यांनी एकमेकांचे गळे आपापल्या जबड्यात पकडले आहेत व पायात प्रत्येकी दोन हत्ती पकडले आहेत. हत्तींनी आपापल्या सोंडांनी दुसर्या हत्तींच्या शेपट्या पकडल्या आहेत. किल्ल्याच्या दरवाजा समोरील तटावर मारुतीची मुर्ती आहे. किल्ल्यात एक साचपाण्याचे टाक आहे. किल्ल्याच्या दक्षिणभागात नैसर्गिक उंचवटा आहे, त्यावर किल्ल्याचा बालेकिल्ला आहे. तटाला असलेल्या पायर्यांनी तटावर चढून तटफेरी मारता येते. गडावर कलेक्टरच्या विश्रामधामाचे अवशेष आहेत. १८६२ मध्ये किल्ल्यावर ६९ तोफा व १९ शिपाइ असल्याचा उल्लेख आढळतो.
कसे पोहोचावे
मुंबईहून दापोली मार्गे १५ कि.मीवर असणार्या मुरुड हर्णेला जाता येते. हर्णेच्या गावातून हर्णे बंदराकडे चालत जाताना उजव्या बाजूस, समुद्रकिनार्यावर गोवा किल्ला आहे.
ट्रेकसाठी लागणारा वेळ
⏱️ N/A
सुविधा व सोयी
निवास व्यवस्था
गडावर रहाण्याची सोय नाही. हर्णे गावात, व दापोली येथे रहाण्याची सोय आहे.
अन्न व्यवस्था
गडावर जेवणाची सोय नाही. हर्णे गावात, व दापोली येथे जेवणाची सोय आहे.
पाणी उपलब्धता
गडावर पिण्याच्या पाण्याची सोय नाही.
सर्वोत्तम काळ
🌤️ N/A
अतिरिक्त माहिती
१) मुरुड हर्णेला राहून सूवर्णदुर्ग, गोवा किल्ला, कनकदुर्ग व फत्तेगड एका दिवसात पाहाता येतात.
२) सूवर्णदुर्ग, कनकदुर्ग व फत्तेगड यांची माहिती साईटवर दिलेली आहे.
जवळील गावे
मुरुड हर्णे
या परिसरातील इतर किल्ले डोंगररांग नाही
तुमचा ट्रेक नियोजित करत आहात का?
साहित्य योग्यरीत्या पॅक करा
आवश्यक साहित्य, पाणी व प्राथमिक उपचार पेटी सोबत ठेवा
लवकर सुरुवात करा
सकाळी लवकर ट्रेक सुरू करा
गटामध्ये ट्रेक करा
सुरक्षिततेसाठी नेहमी सहकाऱ्यांसोबत ट्रेक करा
किल्ले स्वच्छ ठेवा
किल्ल्यांवर कचरा करू नका. किल्ल्यांची आणि निसर्गाची हानी करू नका.