मुळाक्षरानुसार	डोंगररांगेनुसार	जिल्ह्यानुसार	प्रकारानुसार	श्रेणीनुसार

तुंगी (कर्जत) (Tungi (Karjat))	किल्ल्याची ऊंची :  1100
किल्ल्याचा प्रकार : गिरीदुर्ग	डोंगररांग: भीमाशंकर
जिल्हा : रायगड	श्रेणी : मध्यम
कोकणातून (खांडस गावातून) भिमाशंकरला जाणार्‍या गणपती (गणेश) घाटावर तसेच पेठ (कोथळीगड) वरुन जाणार्‍या व्यापारी मार्गांवर लक्ष ठेवण्यासाठी भिमाशंकर डोंगररांगेत पदरगड आणि तुंगी हे दोन टेहळणीचे किल्ले होते.
Tungi (Karjat) Tungi (Karjat)
पहाण्याची ठिकाणे :
तुंगी किल्ल्याच्या माचीवर तुंगी गाव वसलेले आहे. गावात तुंगी मातेचे मंदिर आहे. त्यात तुंगी मातेची मुर्ती आहे. मुर्ती जवळ एक वाघ देवाची मुर्ती आणि २ सर्प शिळा आहेत. मंदिराच्या समोरच्या बाजूला समाध्या पाहायला मिळतात. गावातील स्मशाना जवळ कातळात कोरलेल्या पाय‍र्‍या आहेत. तुंगी किल्ला हा टेहळणीचा किल्ला होता. किल्ल्याचा गडमाथा अतिशय छोटा आहे. त्यामुळे गडमाथ्यावर एक पाण्याचे टाक पाहायला मिळते. टाक्याकडे जातांना एका दगडात चौकोनी खळगे कोरुन काढलेले दिसतात. टेहळणीसाठी बसणार्‍या. सैनिकांसाठी निवारा उभारण्यासाठी हे चौकोनी खळगे बनवलेले असावेत. तुंगी गावात येऊन रस्त्याने १० मिनिटे उतरल्यावर एक पायवाट खिंडीकडे जाते. या खिंडीतून एक वाट खाली उतरते. वाटेत कातळात कोरलेल्या पायर्‍या आहेत. पुढे कड्याच्या बाजूला एक पाण्याचे टाके आहे, पण वाट मोडल्यामुळे टाक्या जवळ जाता येत नाही. गावातून वाटाड्या घेतला तरच या टाक्य़ाकडे जाणारी वाट मिळू शकते. गड माथ्यावरुन चिल्हार नदी, कोथळीगड (पेठचा किल्ला) पदरगड, आणि भीमाशंकर डोंगररांग दिसते.
पोहोचण्याच्या वाटा :
कर्जतहून २ मार्गांनी तुंगी किल्ल्यावर जाता येते. कर्जत रेल्वे स्टेशन जवळून खांडस, आणि डोंगरपाडा गावांसाठी एस. टी. आणि सहा आसनी टॅक्सी मिळतात. १) डोंगरपाडा :- तुंगी गडावर जाण्याचा सोपा मार्ग डोंगरपाडा गावातून आहे. कर्जतहून खांडसकडे जातांना कशेळे गावाच्या पुढे ८ किलोमीटरवर आणी खांडसच्या अलिकडे ७ किलोमीटरवर डोंगरपाडा गावात जाणारा फ़ाटा आहे. पाड्याहून तुंगी गावा पर्यंत कच्चा रस्ता बनवलेला आहे. पण तो जागोजागी ढासळल्यामुळे कुठलेली वाहान या रस्त्यावरुन जात नाही. या रस्त्याने खडा चढ चढून १ तासात तुंगी गावात आपण पोहोचतो. तुंगी गावात तुंगी मातेचे मंदिर आहे. त्या मंदिरा मागून एक वाट तुंगी माथ्या कडे जाते. या वाटेने थोडे चढल्यावर दोन फ़ाटे फ़ुटतात. त्यापैकी डाव्या बाजूच्या वाटेने गडमाथ्यावर जाण्यास १५ ते २० मिनिटे लागतात. २) खांडस:- खांडस हे भिमाशंकरच्या पायथ्याचे गाव, गावतून गणेश घाटातून भिमाशंकरला जाता येते. तसेच तुंगी किल्ल्यावर जाता येते. खांडस ते तुंगी गाव- १.५ तास. तुंगी गाव ते गडमाथ्यावर जाण्यास १५ ते २० मिनिटे लागतात.
राहाण्याची सोय :
तुंगी गावातील मंदिरात आणि शाळेत ५ जणांची राहाण्याची सोय होऊ शकते.
जेवणाची सोय :
किल्ल्यावर जेवणाची सोय नाही.
पाण्याची सोय :
किल्ल्यावर पिण्यायोग्य पाणी नाही.
जाण्यासाठी लागणारा वेळ :
डोंगरपाडा ते तुंगी गाव (माची) १ तास, तुंगी गाव ते गडमाथा २० मिनिटे.
जाण्यासाठी उत्तम कालावधी :
वर्षभर जाता येते. (पावसाळ्यात विषेश काळजी घ्यावी.)

जिल्हा Raigad
अवचितगड (Avchitgad)	भीमाशंकर (Bhimashankar)	भिवगड / भिमगड (Bhivgad(Bhimgad))	बिरवाडी (Birwadi)
चांभारगड (Chambhargad)	चंद्रगड ते आर्थरसीट रेंज ट्रेक (Chandragad to Arthur seat)	चंद्रगड(ढवळगड) (Chandragad(Dhavalgad))	कुलाबा किल्ला (Colaba)
दासगावचा किल्ला (Dasgaon Fort)	ढाक बहिरी (Dhak-Bahiri)	द्रोणागिरी (Dronagiri)	घारापुरी (Gharapuri)
घोसाळगड (Ghosalgad)	हिराकोट (Hirakot)	ईरशाळ (Irshalgad)	जंजिरा (Janjira)
कर्नाळा (Karnala)	खांदेरी (Khanderi)	खुबलढा किल्ला (थळचा किल्ला) (Khubladha Fort (Thal Fort))	कोकणदिवा (Kokandiva)
कोंढवी (Kondhavi)	कोर्लई (Korlai)	कुर्डुगड (विश्रामगड) (Kurdugad)	लिंगाणा (Lingana)
मानगड (Mangad)	मंगळगड (Mangalgad)	माणिकगड (Manikgad)	मिरगड (मिरा डोंगर / सोनगिर) (Mirgad(Songir))
मृगगड (Mrugagad)	पाचाड कोट (Pachad Fort)	पदरगड (Padargad)	पद्‌मदूर्ग (कासा किल्ला) (Padmadurg ( Kasa Killa))
पालगड (Palgad)	पन्हाळेदुर्ग (पन्हाळघर किल्ला) (Panhaledurg)	पेब (विकटगड) (Peb)	पेठ / कोथळीगड (Peth (Kothaligad))
प्रबळगड (Prabalgad)	रायगड (Raigad)	रामदरणे (Ramdarne)	रतनगड(रत्नदुर्ग) (Ratangad(Ratnadurg))
रेवदंडा (Revdanda)	सागरगड (खेडदूर्ग) (Sagargad)	सामराजगड (Samrajgad)	सांकशीचा किल्ला (Sankshi)
सरसगड (Sarasgad)	सर्जेकोट (रायगड) (Sarjekot (Alibaug))	शिवथरघळ (Shivtharghal)	सोंडाई (Sondai)
सोनगिरी (कर्जत जवळ) (Songir (Karjat))	सुधागड (Sudhagad)	सुरगड (Surgad)	तळगड (Talgad)
तुंगी (कर्जत) (Tungi (Karjat))	उंदेरी (Underi)